shinning sprinckles
Sunday 17 June 2018
Vote For KEATANA - MyCuteBaby Photo Contest
Vote For KEATANA - MyCuteBaby Photo Contest: Join MyCuteBaby Photo Contest & get yourself engaged with your family & friends, have fun along the way and make the best of memories! also win gift vouchers every month!
Friday 9 August 2013
ఎవరి దారుల్లో....................
ఎవరి దారుల్లో వాళ్ళం
వేరైపోతున్న సందర్భంలో
ఒకరికి మరొకరం
తోడుగా నిలిచే చోట
మనసులు విప్పారే పూలవుతాయి
పొద్దున్నే పొద్దును
ఆత్మీయంగా ముద్దాడుతాయి .. !
దూరం ఎక్కువయ్యే కొద్దీ
ఆరాటం పెను తుపాను అవుతుంది
గుప్పెడు గుండెను ముంచేస్తుంది
ఒక్కోసారి ఆలోచనలు
కెరటాలై ఉవ్వెత్తున ఎగసి పడుతాయి ..!
పచ్చని పైరుల్లా
గాల్లో ఎగిరే పతంగుల్లా
పరుగులు తీసే ప్రవాహంలా
కళ్ళు కౌగిలింతలై పోతాయి
కమ్మని ఊసులు నేర్పుతాయి .. !
కాలపు సోయగంలో
మనిద్దరం కలిసే సమయాన
నీకోసం నేను వేచి చూడటం
బతుకును రాగరంజితం చేసింది .. !
నీవో వైపు
నేనో వైపు
దారులు వేరైనా
మనిద్దరం ఒకే గమ్యమై
ఒకరి కళ్ళల్లోకి
మరొకరం జొరబడుతూ
పయనించటం గొప్ప
అనుభూతిని ఇస్తుంది ..!
కదిలే జ్ఞాపకాలు
ఒక్కోసారి గాయం చేస్తాయి
ఇంకోసారి అలసిన
శరీరాలకు జోలపాట పాడుతాయి
ప్రేమంటే ఆలింగానమా
అర్పించుకోవటమా ..కానే కాదు
అదో జీవన పోరాటం
బతుకు మర్మాన్ని చేదించే సాధనం
రెండు గుండెల ఆర్తి గీతం .. !
ఏకాంతంలో దేనికోసమో
దేహాలు ఆరాట పడుతాయి
కాలపు సాగరంలో
కలిసిపోయాక .. సొమ్మసిల్లి పోతాయి
అంతా ఇంతే కదా అనుకుని
అమ్మతనం కోసం ఆక్రోసిస్తాయి .. !!
Wednesday 17 July 2013
నువ్వెవ్వరో .. నేనెవరినో
నువ్వెవ్వరో .. నేనెవరినో
అనుకోకుండా తారస పడ్డాము
మనిద్దరి మధ్య
గతంలో ఏదో తెలియని
బంధం పెనవేసుకుని
పోయినట్టు చూసినప్పుడే
అనిపించింది ...అలవాటుగా
ఆత్మీయత నిండిన నీ రూపం
ముగ్ధ మనోహరమైన
నీ వాలు చూపు
చంద్ర బింబమై నా నుదిటి మీద
నీ పెదవులు సంతకం చేసింది
ఇద్దరి మధ్య కలిగిన
ఆ ఆందోళనల భావ పరంపర
కోటి కాంతులను విరజిమ్మేలా చేసింది
నువ్వు నేనుగా మారే
సందర్భంలో హృదయాలు
మెల్లగా విచ్చుకుంటాయి
మనసులు మౌనంగా
విప్పారుతాయి .. ఆ సమయంలో
గాలి గుమ్మమై గడియ వేస్తుంది
ఏకాంతపు ఊహాల్లో
పెనవేసుకునేలా కాపలా కాస్తుంది
అప్పుడు చూపులు
కనురెప్పలై కవ్విస్తాయి
యెద మీద చిలిపిగా సిందూరపు
ముద్దును అద్దుతాయి
అప్పుడు కలిసే ప్రతి నిమిషం
మల్లెపూలను ఆహ్వానిస్తాయి
మనిద్దరిని ఒకే దారి వైపు
ఒకే ఆత్మగా ..ఒకే శరీరంగా
మార్చేస్తాయి .. ఆ దేవుడు
ఈ లోకంలో ప్రేమ బతికే ఉందని
చెప్పేందుకే ఈ మెత్తని పూలను
ఇచ్చాడేమో ... కదూ
మల్లెలు మనసును దోచేస్తాయి
కమ్మని కలలల్ను నేర్పుతాయి
పండు వెన్నెల్లో పరిమళాలను
వెదజల్లుతూ గుండెల్లో
గుబులు రేపుతాయి ..
మనసులు మమేకమై పోయే వేళ
మాటలకందని అనుభవం
కొండ గుర్తుగా మిగిలేలా చేస్తుంది
అది పది కాలాల పాటు
వెంటాడుతుంది ...
Thursday 27 June 2013
Subscribe to:
Posts (Atom)